|
缺乏別人鼓勵，一個人可以變得好偏激、好唔開心，發揮唔到佢應發揮嘅果效。
但當他感到被鼓勵時，他便會有勇氣衝破困難，戰勝逆境。
所以英國皇家海軍有這樣一條守則：「當別人擔當一件任務時，不准向他說出氣餒或阻嚇的說話。」
一個懂得鼓勵別人的人會對人的生命帶來積極的影響。
最好鼓勵別人的方法就係表達欣賞。
請聽Helen修女所分享的一個真實故事。Helen修女是一個中學老師。她提到一個學生叫亞mark和他班上的故事。她曾經教過亞mark那班同學兩年。
她教他們數學。有一次上數學堂，她發覺班學生不能掌握她所教的那個數學的新觀念。大家開始有點洩氣了。
為咗扭轉個氣氛，Helen修女同班同學玩咗個遊戲。
佢叫班學生攞張白紙出嚟，將每個同學個名寫上去，名同名之間要留空一兩行。
然後就叫班學生諗吓每位同學有啲乜嘢好嘢，就將嗰啲好嘢寫上去個空位度。
Helen修女收咗這個習作之後，她就將每個學生的名寫响一張獨立的白紙上，然後就將所有嘅同學寫嗰個同學嘅好嘢集合埋一齊，抄在那張獨立的白紙上。
下個禮拜，佢就將張紙派返俾每個同學。有啲同學甚至收到兩張紙咁長添！
收到張紙之後，全班嘅氣氛突然改變晒，個個人面上都有笑容嘅。
幾年之後，那班同學畢業了，大家各散東西。
有一年Helen修女渡假回來時，接到那年佢所教那班的一個學生亞mark的爸爸的電話。
亞mark的爸爸說：「亞mark在越戰中陣亡，佢嘅遺體巳經運咗返嚟，聽日出殯，我同佢媽媽都好想你嚟。」
在瞻仰遺容完了之後，亞mark 的舊同學就一齊食晏敍舊，亞mark的父母也邀請Helen修女一齊去。
在鈙舊時，亞mark的爸爸「拎」一張紙出嚟遞俾Helen修女睇。佢話：「亞mark陣亡時，喱張紙係响亞mark身上搵到嘅！我諗你可能認得喱張紙。」
Helen修女打開這張紙時，發覺這張紙巳經好殘舊，而且有好深的摺痕，好明顯亞Mark生前時時打開張紙嚟睇，睇完又將佢摺返埋。
喱張紙佢認得：就係幾年前佢派俾每個同學人讚佢嘅好嘢嘅嗰張紙！
亞mark的爸爸說：「多謝你响亞Mark身上所做嘅嘢，好明顯亞Mark好珍惜喱張紙！」
在那時亞Mark嘅舊同學開始圍埋嚟。
亞Mark嘅一個舊同學，查理第一個開口：「嗰張紙我都有，我仍然保存到依家，就响我書枱嘅第一個櫃桶裏面！」
另一個同學瑪利蓮亦說：「嗰張紙我都有keep呀，我將佢夾响我嘅日記簿度！」
約翰的太太亦插口：「約翰簡直當喱張紙係寶，佢叫我將張紙夾响本結婚相部簿度呀！」
跟住另一個同學力奇打開佢嘅銀包，在銀包裏將那張紙攞出嚟說：「我時時都將佢帶响我身邊。」
停咗一陣，力奇繼續說：「我相信我哋嗰班舊同學，每個都仍然keep住嗰張紙！」
個場面令人好感動。在那時，Helen修女感動到坐低，响度喊！
是甚麼令到這班成年人在那麼多年之後仍然keep住這張紙，甚至有人打仗時還將這張紙帶在身邊呢？
答案就是欣賞！
每個人都好渴望得別人的欣賞和鼓勵！
弟兄姊妹，你每一日都會認識一些人。
記得這些人的名字。默想吓這些人的面孔；抽一些時間向他們表達你的關心。
可能你好忙，有很多事要做，但記住：人比事更加重要。一有機會，就表達你對他們的欣賞，好嗎？
|
