人生最大轉捩點／洪崇錦先生

聖經：馬可福音1：9～15

引言：

    親愛的兄弟姐妹，你曾到十字路口時停在那裏，不知道要從那個方向走的經歷嗎？還是，在人生的旅途中，不知要選那一條路，就像要讀哪一間學校、要找什麼樣的工作、結婚的對象...等等的選擇。這些選擇，有時是可以改變的。但是另外還有一個選擇，要成作咱人生最大的轉捩點，伊欲乎咱的人生黑白變彩色，彩色變燦爛，甚至在黑白中活出精彩。

聖經釋義：

    阮今日所讀的經文亦是一種選擇，耶穌接受約翰洗禮是應驗先知瑪拉基書第三章第一節：『萬軍的耶和華講：「看哪！我差我的使者，伊欲佇我的頭前備辦路。恁所尋的主欲忽然到伊的殿；盟約的使者，就是恁所欣慕者，看啊！伊來啦。」』 以及，以賽亞書第四十章第三節：『有聲叫講：「佇曠野備辦耶和華的路，佇沙漠的地，修平咱的上帝的大路。」』 約翰佇曠野替人洗禮，叫人要悔改、認罪，要決心脫離罪惡，乎罪得到赦免。

    咱來看第九節，在約翰事奉的日子裏，耶穌來到約旦河接受約翰的洗禮。為什麼伊堅持來接受洗禮，馬太福音第三章第十四節指出，耶穌欲受洗時，約翰阻止伊，但是耶穌應伊講：「 今請允我，因為咱合宜著按呢，來盡攏總的義或者說攏總的禮。」

    耶穌接受洗禮不單是為了禮節，還有，伊認為這是伊負起拯救的責任的開始應該當按呢作。伊和一般的罪人同樣接受約翰的洗禮是要表明伊現在就開始要擔這一切罪人的重擔，亦開始執行救人的神聖職份。

    經文繼續描寫，當耶穌受洗了後，看見天裂開，聖神親像鴿子，降臨佇伊的頂面，閣對天有聲，講：「你是我所疼的子，我歡喜你。」當耶穌受洗，決定順從上帝的旨意時，伊清楚聽見天上的聲音，這就是上帝接納、肯定伊的決定。

    耶穌受洗了後，聖神即時逼伊去曠野受試探，佇馬太福音第四章有清楚描寫三種試探的內容：馬太福音第四章第二節，「已經禁食四十日暝，後來就枵（iau），這是對咱人肉體慾望的試探，第三節按呢講，「試者倚來給伊講，你若是上帝的子，就教諸個石變做餅。」但是伊應講：『有記載講，「人的活，呣若倚靠餅，就是倚靠對上帝的嘴所出攏總的話。」』

    第二個試探佇第五節，『魔鬼就導伊到聖城，互伊徛佇殿的尾溜，給伊講：「你若是上帝的子著家己趒（tiô）落去；因為有記載講，伊欲為著你命令伊的天使，他們欲用手扶你，免得你的腳觸（tak）著石。」』這是信仰頂面的試探，耶穌給伊講：「閣有記載講，莫得試主你的上帝。」

    第三個試探佇第八節，『 魔鬼閣導伊上極高的山，用天下萬國及他們榮光互伊看，給伊講：「 你若仆落拜我，諸個我攏互你。」這是財富、權勢、驕傲的試探，耶穌就給伊講：「撒旦，退去；因為有記載講，著拜主，你的上帝；獨獨服事伊若定。」對按呢，魔鬼離開伊；有天使來伺候伊。』路加福音四章十三節講：「 魔鬼已經盡逐項的試，就暫時離開伊。」咱看見諸個經文描寫，耶穌面對諸個試探的時，用上帝的話來應答，來贏過諸個歹的攻擊。

信仰見證：

親愛的兄弟姐妹，你有聽過上帝對你講話嗎？上帝真的會對咱講話嗎？請容允我來分享一個生命的故事：

    十幾年前，有一位兄弟，伊有一家小小公司，從事電子零件買賣，在伊還未接觸基督教信仰前，總認為做生意就必須要交際應酬才能得到更多的訂單，但是生意並不一定比較好。後來，不只自己的身體變差，夫妻的感情開始出了問題。

    太太是好幾代的基督徒，結婚後，伊並沒有和伊太太去教會，甚至，伊的太太去教會做禮拜伊還會不高興。教會的姐妹知道伊愛唱歌，就邀請伊參加聖歌隊的練習，禮拜天參與聖歌隊的獻詩，但是那時獻詩伊當作是在表演，剛開始進入教會就這樣而已。

    直到1998年的六月，受一位姐妹邀請參加家庭禮拜，結束前他們唱舊聖詩245首「我前若羊失迷」，歌詞是這樣：「 我前若羊失迷，廄外濫糝去踅，牧者的聲我無欲聽，無愛隨伊去行，我前若子放縱，無愛徛起家中，天父的聲我無愛聽，愛欲四界去行。」伊跟著旋律看著歌詞。突然間，好像有一個聲音給伊講：你就是那隻失迷的羊，迷失在花花世界裡，無法自拔，那時，伊的眼淚一直流下來，伊想要控制自己，但是更加嚴重，甚至還一直發抖，到聚會結束，傳道到伊面前牽著伊的手，兄弟姐妹也圍在伊旁邊來為伊祈禱，那時，伊感覺好像有一顆大石頭從伊心中挪開，似乎從綑綁中得到釋放，非常輕鬆。

又有一次，教會舉辦培靈會講員是一位國外來的女宣教師，講道後宣教師說要為弟兄姐妹抹油祈禱，伊心想，伊不是基督徒宣教師應該不會為伊抹油祈禱吧？但宣教師走到伊面前，用油抹在伊額頭，按手佇伊頸上時，伊的眼淚就如水龍頭沒關好一樣，一直流出來。只聽到張牧師翻譯「活水不斷的從腹中湧出，不斷的湧出 」，伊的眼淚就一直掉下來無法停止。

聚會結束，宣教師為伊和伊太太祈禱，伊的眼淚又不聽使喚的掉下來，祈禱到要棄絕那些偶像的崇拜時，伊哭得更慘，心想怎麼可能，我家世代都是拜拜的，我那有可能不去拜呢？

從那時，渴慕認識這個信仰的靈進入這位兄弟心內，1998年十一月六日，傳道到他們家與他們夫妻一起讀經禱告，就在那一日，上帝向伊來講話，就是馬可福音第一章十五節「日期滿啦，上帝的國近啦；恁著反悔來信福音。」那時伊也為自己過去放蕩的行為認罪，懇求上帝赦免，也決志要戒菸。

    隔天股東帶客人和一些朋友來找伊，一起去吃飯，吃飽後有人提議叫伊帶他們去酒店，心想昨天才悔改、認罪，今天就來引誘我犯罪，百般無奈中只好帶他們去酒店，那天竟然沒營業，心裏想，上帝啊！祢實在太奇妙了。在這屬靈的爭戰中有上帝的保守，那暝伊不是去酒店，是回到教會。在教會，傳道帶著他們夫妻一起祈禱感謝上帝，至今十幾年，伊沒有再抽菸。

    經歷上帝這麼多的慈悲、憐憫、疼愛，更加深這位兄弟要洗禮接受基督信仰的意願。詩篇四十篇第一節『我曾吞論聽候耶和華，伊俯落向我，聽我的求叫』一百三十八篇第八節『關係我的代誌，耶和華欲成伊』上帝在祂所定的日期，1998年十一月二十二日這位兄弟接受洗禮，告白伊的信仰，一世人欲照主引導來生活。

    受洗後，伊戒菸、做生意不再需要交際應酬，夫妻間恢復甜蜜的關係，也穩定參加聚會，認真服事，到了教會成立堂會時，也被選為教會長老。

    2005年回想過去，每當難關到來，自己幾天前就開始想盡辦法處理，雖然有時可以順利解決，但較多時候是苦思無門，不知如何是好，就在緊要關頭，上帝總會差派天使及時幫助，度過難關。因此，從新省察自己的信仰，數算這幾年自己所經歷的苦難，上帝是如何的憐憫、保守。

    2006年與家人討論上帝呼召的問題，進入台神信徒神學系學習，一方面可以造就自己，一方面也可以幫助教會。就這樣連續四年共修了120個學分。

     2009年在教會服事中，伊遭受很大的挫折，但是上帝也派另外一對天使來安慰、鼓勵。有時，伊會想，上帝為什麼佇伊生命中，欲乎伊經歷這些的苦難。感謝上帝，透過學校老師的幫助、輔導，讓伊的心可以平靜下來，回頭看，上帝在這一路上奇妙的帶領，讓伊更加清楚所經歷的這些苦難，是要成作以後服事上的幫助，也更堅定伊所信的。也在這時乎伊更加確認上帝的呼召，全職事奉。2010年經由推甄方式，進入台灣神學院神學研究所接受更完整的裝備，期待自己能成為上帝合用的器皿。今這位兄弟站在上帝的聖殿向兄弟姐妹分享上帝奇妙的恩典。

結論：

    親愛的兄弟姐妹，特別是咱已經受洗禮的兄弟姐妹，咱來省察咱的信仰，你是不是和我一樣，有時還會生活佇罪的裡面，阮是不是有聽見上帝在對阮講話？要為著罪來傷心、痛悔，再一次從罪惡中回轉。

    還未受洗禮的兄弟姐妹，上帝的恩典也要臨到你，上帝同樣要對你講：「日期滿啦，上帝的國近啦；恁著反悔來信福音。」改變心思、意念，歸向上帝，參與佇上帝愛的團體中，接受屬靈的餵養與裝備，成作基督的精兵。

    這樣，在這個魔鬼掌權的世代中，咱可以倚靠主耶穌基督所賞賜的智慧，遠離試探，如不得已遇到時，可以學習主耶穌，用上帝的話去抵擋這些試探。當然，咱要認真讀上帝的話，上帝的話才會成作咱的幫助，戰贏每一天不同的考驗，因為雖然佇世界有苦難，但是咱佇主耶穌基督裏有平安。最重要的，佇人生最大的轉捩點，咱靠主做出正確的選擇，詩篇十六篇十一節，「 上帝將活命的路指示咱，乎咱佇伊的面前有滿足的歡喜，佇伊的正手有永遠的快樂。」