訂閱
上一篇
返回
下一篇
真實的生命／楊順從牧師
作者: taian 日期: 2015-03-15 22:30
聖經：馬可福音8：31~38
昨下埔，咱的台灣從南到北攏有反核能發電的活動，佇咱台灣的社會運動中間，反核能發電的運動，通好講是屬佇這二，三十年來，比較較久長的一種的社會運動．反核的口號的一個主要的主題其中之一，就是要起造咱台灣成做沒用核能的國家，非核家園，因為使用核能發電這個議題，是有關係到咱的子子孫孫，是呣是能通久久長長，平安住起佇咱台灣這塊土地真嚴肅的問題，特別佇四年前，日本的三月十一日發生大地震以後，因為所產生的Tsunami，遂造成日本福島核能發電廠發生人類有史以來最界嚴重的核能事故，到今仔日猶然沒法度完全解決．咱想看麥，連日本這個科技比咱較進步的國家，閣沒法度解決核能事故的問題，何況是咱？到現在四年經過了，猶原至少有二十萬人無家可歸．設使咱台灣若遇到類似的事件，台灣可能會滅國甘呣是？特別核能的事故所留下來的放射線，對整體環境的傷害，連日本閣沒才調處理，何況是咱．其實，從一個社會運動的角度來看，一個運動真要緊的就是要有目標，理想，這些能通激勵參與者向這些理想來行，這是真要緊的事情，所以這個建立非核家園，成做真要緊的口號，若是沒呢？甚至用負面的講法，一個運動沒可能能通持續下去，比如講，講什麼閣按怎做閣沒希望啦，人早慢攏會死，這個運動甘閣會吸引人？甘能通持續下去．佇今仔日咱所看到的經文就有親像有這款的味，因為主耶穌對他的學生講：人子的確得受多多苦楚，給這些長老，祭司頭，經學士棄絕，閣受害死，過三日就復活．而且講這些話講了真清楚．
佇這經文講，主耶穌是講了真清楚，總是他的學生卻聽沒界清楚，而且只有想要聽因要聽的．對學生來講，唉！主耶穌所帶來的上帝國的福音這款的運動，甘呣是漸漸要進入最高峰，呣是跟隨主的人是愈來愈多嗎？主耶穌為什麼講這款這麼洩氣的話，這麼負面的話．莫怪彼得就將牽主耶穌到邊仔責備他，用這字責備，這通好講是給天借膽，竟然是學生對老師這麼沒客氣，用罵的，意思就是要阻止主耶穌講這款的話．總是遂時給主耶穌罵轉去，罵他做撒但！這到底是什麼情形阿？咱看到，佇今仔日的經文的前一段，也就是記載主耶穌和他的學生佇該撒利亞腓立比的時，看到這個異邦的所在有多多異邦的神明，情形好親像不是按呢．講到該撒利亞腓立心，我曾記得，我全家還佇美國在讀冊的時，曾有一位白人的牧師拿相片給我看，講他曾去那訪問過．佇相片中間只有剩廟，攏真細間，可能咱台灣的多多神壇攏比因較大間也沒一定，內底的神像攏沒去啦．佇這個充滿異邦的神明的所在，主耶穌就問他的學生有關他的身份，他就問學生講，別人以及學生自己本身，因是按怎看主耶穌他本人，這答案真多，有的講是行洗禮約翰，有的講是以利亞，也有的講是先知中間的一個，總是佇學生的中間，只有彼得才認會出來主耶穌是基督，就是彌賽亞的意思．那時對佇彼得的講法，主耶穌是多麼讚美他，讚美到會tok舌，甚至咱若倒去看馬太福音十六章所記載講，主耶穌講西門彼得是有福氣的人，甚至讚美彼得講，他是起造教會的石磐，用教會這個字眼，要交代他天國的鑰匙，莫怪若照天主教的講法，彼得是主耶穌親自交鑰匙給他的人，所以是第一任的教皇．這些攏是將彼得講到這麼要緊，總是佇咱今仔日所看到的經文竟然講彼得是撒但，那差那多！從這咱通好看到，主耶穌佇當時雖然帶來一股的旋風，總是學生還閣沒了解他所帶來這股旋風，特別是上帝國的意義．有可能，因還閣是活佇想像主耶穌所帶來的國度是一般政治上的改變，若因久長以來所期待的政治上的彌賽亞像款，是能通推翻羅馬帝國統治，希律王統治的彌賽亞，若按呢，因以後個個攏能通做大位．總是主耶穌所帶來的卻與因的想法完全顛倒，主耶穌講，若有人要跟隨主的，就要看沒自己，夯他的十字架來跟隨他，而且講這才能通得到生命．
這又閣是什麼情形？咱知，有生命沒生命，或是講能通活下來，勿通活下來，這對咱來講，攏是真要緊的事情；最近佇荷蘭有一間公司，在選一百的人，五十個查甫的，五十個查某的，聽講其有四個人是華人，準備要做什麼？要佇幾年後移民去火星，而且這個計劃是一個只有能通去，沒閣倒轉來的計劃，所以想像中間，若真正移民有成功，通活下來，以後可能真正有火星人，是地球的移民去的人所生的．總是，這甘有那麼簡單，其實從發射火箭開始，甚至一直到上火星，攏是一個真大的冒險，是有關是呣是能通活下來的問題．真有可能一發射，就若上個月復興航空的飛機chai下來像款，一khun頭大部分的人攏死去也不一定．其實人類的歷史基本上攏是爭取活命的歷史，特別是一個政權又閣一個政權，多多是充滿動亂，戰爭，多多死生的歷史，成功的就成做王，失敗就變做賊，好親像永遠在循環．
總是主耶穌所在講的，卻不是這款生命，反轉是一種沒像款，是與主同復活的生命，總是要找到這款的生命是要付出代價的，就是夯起自己的十字架來跟隨主來行．咱知夯十字架本身就是在講起一款的冒險，甚至要付出自己的生命做代價，要有這款的覺悟，這看起來好親像自己的生命要失去，總是主耶穌對咱講，按呢做才能通得到真實的生命．若按呢，到底他所傳的是什麼款的福音，竟然要付出這麼大的代價？咱來看主耶穌他本身佇他的時代所帶來的就好，他所帶的，對當時的人來講，若轟動武林，驚動萬教的事情，咱看到他的醫病趕鬼，睛盲的能看見，pai腳的能行，臭耳孔的能聽見，甚至死人復活，給五千的人，四千的人能通吃到飽，這是何等大的改變，總是這些攏指向主耶穌所要帶來的上帝國的這條路，這是一條甘願為人，特別是為著那些弱勢的人犧牲奉獻的道路，也是從心靈真實得到改變，而且真正實行出來的道路，甘願按呢來行的人才是得到真實的生命．這是與過去的學生所想的想要做大的想法完全顛倒的事情．總是要跟主耶穌的這條路，要有與政權，甚至與宗教領袖起衝突的心理準備．換話來講，與既得利益者起衝突．所以，十字架的道路就是要有這款心理上的準備，要有看無自己，夯自己的十字架，面對生命的危險的準備．也真奇怪是，那些一直想要抓住生命，反轉會失去生命，反轉，看起來有生命的危險的這條主耶穌道路，竟然會抓住真實生命．
列位兄姊，主耶穌對咱講，得夯起自己的十字架來跟隨他，因為想要救自己生命的，會失落生命，反轉為著他和福音來喪失生命要得到生命．換話來講，咱呣通用過去的眼光，用一般人類的經驗來看，反轉是要學習用上帝的眼光來對待．外表看起來好親像失去生命，總是，特別通過主的復活，這才是新生命的開始，這個新的時代已經來臨啦！你自己的十字架是什麼？減彩是厝內的事，自己的子弟的未來，減彩是閣較闊，是關懷外面的反核，這個有關係到咱的子子孫孫未來的事．神學教育就是按呢，要訓練用上帝的眼光有心願意夯自己十字架隨主來行的人，用按來引導咱的教會，咱的社會，給咱的社會，教會成做上帝國的一部分．願主幫助咱，勇敢抓住咱自己的十字架，來跟隨他的腳步來行，通得到真實的生命．
昨下埔，咱的台灣從南到北攏有反核能發電的活動，佇咱台灣的社會運動中間，反核能發電的運動，通好講是屬佇這二，三十年來，比較較久長的一種的社會運動．反核的口號的一個主要的主題其中之一，就是要起造咱台灣成做沒用核能的國家，非核家園，因為使用核能發電這個議題，是有關係到咱的子子孫孫，是呣是能通久久長長，平安住起佇咱台灣這塊土地真嚴肅的問題，特別佇四年前，日本的三月十一日發生大地震以後，因為所產生的Tsunami，遂造成日本福島核能發電廠發生人類有史以來最界嚴重的核能事故，到今仔日猶然沒法度完全解決．咱想看麥，連日本這個科技比咱較進步的國家，閣沒法度解決核能事故的問題，何況是咱？到現在四年經過了，猶原至少有二十萬人無家可歸．設使咱台灣若遇到類似的事件，台灣可能會滅國甘呣是？特別核能的事故所留下來的放射線，對整體環境的傷害，連日本閣沒才調處理，何況是咱．其實，從一個社會運動的角度來看，一個運動真要緊的就是要有目標，理想，這些能通激勵參與者向這些理想來行，這是真要緊的事情，所以這個建立非核家園，成做真要緊的口號，若是沒呢？甚至用負面的講法，一個運動沒可能能通持續下去，比如講，講什麼閣按怎做閣沒希望啦，人早慢攏會死，這個運動甘閣會吸引人？甘能通持續下去．佇今仔日咱所看到的經文就有親像有這款的味，因為主耶穌對他的學生講：人子的確得受多多苦楚，給這些長老，祭司頭，經學士棄絕，閣受害死，過三日就復活．而且講這些話講了真清楚．
佇這經文講，主耶穌是講了真清楚，總是他的學生卻聽沒界清楚，而且只有想要聽因要聽的．對學生來講，唉！主耶穌所帶來的上帝國的福音這款的運動，甘呣是漸漸要進入最高峰，呣是跟隨主的人是愈來愈多嗎？主耶穌為什麼講這款這麼洩氣的話，這麼負面的話．莫怪彼得就將牽主耶穌到邊仔責備他，用這字責備，這通好講是給天借膽，竟然是學生對老師這麼沒客氣，用罵的，意思就是要阻止主耶穌講這款的話．總是遂時給主耶穌罵轉去，罵他做撒但！這到底是什麼情形阿？咱看到，佇今仔日的經文的前一段，也就是記載主耶穌和他的學生佇該撒利亞腓立比的時，看到這個異邦的所在有多多異邦的神明，情形好親像不是按呢．講到該撒利亞腓立心，我曾記得，我全家還佇美國在讀冊的時，曾有一位白人的牧師拿相片給我看，講他曾去那訪問過．佇相片中間只有剩廟，攏真細間，可能咱台灣的多多神壇攏比因較大間也沒一定，內底的神像攏沒去啦．佇這個充滿異邦的神明的所在，主耶穌就問他的學生有關他的身份，他就問學生講，別人以及學生自己本身，因是按怎看主耶穌他本人，這答案真多，有的講是行洗禮約翰，有的講是以利亞，也有的講是先知中間的一個，總是佇學生的中間，只有彼得才認會出來主耶穌是基督，就是彌賽亞的意思．那時對佇彼得的講法，主耶穌是多麼讚美他，讚美到會tok舌，甚至咱若倒去看馬太福音十六章所記載講，主耶穌講西門彼得是有福氣的人，甚至讚美彼得講，他是起造教會的石磐，用教會這個字眼，要交代他天國的鑰匙，莫怪若照天主教的講法，彼得是主耶穌親自交鑰匙給他的人，所以是第一任的教皇．這些攏是將彼得講到這麼要緊，總是佇咱今仔日所看到的經文竟然講彼得是撒但，那差那多！從這咱通好看到，主耶穌佇當時雖然帶來一股的旋風，總是學生還閣沒了解他所帶來這股旋風，特別是上帝國的意義．有可能，因還閣是活佇想像主耶穌所帶來的國度是一般政治上的改變，若因久長以來所期待的政治上的彌賽亞像款，是能通推翻羅馬帝國統治，希律王統治的彌賽亞，若按呢，因以後個個攏能通做大位．總是主耶穌所帶來的卻與因的想法完全顛倒，主耶穌講，若有人要跟隨主的，就要看沒自己，夯他的十字架來跟隨他，而且講這才能通得到生命．
這又閣是什麼情形？咱知，有生命沒生命，或是講能通活下來，勿通活下來，這對咱來講，攏是真要緊的事情；最近佇荷蘭有一間公司，在選一百的人，五十個查甫的，五十個查某的，聽講其有四個人是華人，準備要做什麼？要佇幾年後移民去火星，而且這個計劃是一個只有能通去，沒閣倒轉來的計劃，所以想像中間，若真正移民有成功，通活下來，以後可能真正有火星人，是地球的移民去的人所生的．總是，這甘有那麼簡單，其實從發射火箭開始，甚至一直到上火星，攏是一個真大的冒險，是有關是呣是能通活下來的問題．真有可能一發射，就若上個月復興航空的飛機chai下來像款，一khun頭大部分的人攏死去也不一定．其實人類的歷史基本上攏是爭取活命的歷史，特別是一個政權又閣一個政權，多多是充滿動亂，戰爭，多多死生的歷史，成功的就成做王，失敗就變做賊，好親像永遠在循環．
總是主耶穌所在講的，卻不是這款生命，反轉是一種沒像款，是與主同復活的生命，總是要找到這款的生命是要付出代價的，就是夯起自己的十字架來跟隨主來行．咱知夯十字架本身就是在講起一款的冒險，甚至要付出自己的生命做代價，要有這款的覺悟，這看起來好親像自己的生命要失去，總是主耶穌對咱講，按呢做才能通得到真實的生命．若按呢，到底他所傳的是什麼款的福音，竟然要付出這麼大的代價？咱來看主耶穌他本身佇他的時代所帶來的就好，他所帶的，對當時的人來講，若轟動武林，驚動萬教的事情，咱看到他的醫病趕鬼，睛盲的能看見，pai腳的能行，臭耳孔的能聽見，甚至死人復活，給五千的人，四千的人能通吃到飽，這是何等大的改變，總是這些攏指向主耶穌所要帶來的上帝國的這條路，這是一條甘願為人，特別是為著那些弱勢的人犧牲奉獻的道路，也是從心靈真實得到改變，而且真正實行出來的道路，甘願按呢來行的人才是得到真實的生命．這是與過去的學生所想的想要做大的想法完全顛倒的事情．總是要跟主耶穌的這條路，要有與政權，甚至與宗教領袖起衝突的心理準備．換話來講，與既得利益者起衝突．所以，十字架的道路就是要有這款心理上的準備，要有看無自己，夯自己的十字架，面對生命的危險的準備．也真奇怪是，那些一直想要抓住生命，反轉會失去生命，反轉，看起來有生命的危險的這條主耶穌道路，竟然會抓住真實生命．
列位兄姊，主耶穌對咱講，得夯起自己的十字架來跟隨他，因為想要救自己生命的，會失落生命，反轉為著他和福音來喪失生命要得到生命．換話來講，咱呣通用過去的眼光，用一般人類的經驗來看，反轉是要學習用上帝的眼光來對待．外表看起來好親像失去生命，總是，特別通過主的復活，這才是新生命的開始，這個新的時代已經來臨啦！你自己的十字架是什麼？減彩是厝內的事，自己的子弟的未來，減彩是閣較闊，是關懷外面的反核，這個有關係到咱的子子孫孫未來的事．神學教育就是按呢，要訓練用上帝的眼光有心願意夯自己十字架隨主來行的人，用按來引導咱的教會，咱的社會，給咱的社會，教會成做上帝國的一部分．願主幫助咱，勇敢抓住咱自己的十字架，來跟隨他的腳步來行，通得到真實的生命．
